РЕМОНТ

Bir kir yuvish mashinasining ayanchli tarixi... va xeppi end

U ishladi-ishladi va birdaniga to‘xtab qoldi. Hech qachon kir yuvish mashinasining buzilishi olamshumul ko‘lamdagi kulfat ekanligi haqida o‘ylamagandim. Yo‘q, biz bir necha o‘n yil oldin kirni qo‘lda yuvganmiz, choyshabni siqishga va chayishga to‘g‘ri kelgan. Hozir esa... Qo‘llar kir yuvish ko‘nikmasini unutganga o‘xshaydi, qadimiy keraksiz atavizmdan xalos bo‘lishgan.

- Tuzat darrov! Yoki qandaydir ustani chaqir – deb baqirdi xotinim, u yuvilmagan kirlar tog‘i orqasida zo‘rg‘a ko‘rinardi.

- Men shunday tuzatayki, yaxshisi darhol tashlab yubora qolaylik – deb javob berdim men, va Internetdan ta’mirlash bo‘yicha ustani qidirishga tushdim. Boshqa yana qayerdan ham axtaray?


Usta menga boshidanoq yoqmadi. Undan shundoq aroq hidi anqib turardi. Mening “Hammasi joyidami?” deb bergan savolimga u “Ha. Oldingi mijozlarning choyshab uchun konditsioneri shunday hid tarqatadi, e’tibor bermang” deb javob berdi. Nima balo, u ichganmi shu konditsionerni. Shu lahzadan boshlab men “malakali mutaxassis” ning harakatlarini kuzata boshladim.

Birinchi qurbon rakovina bo‘ldi. Usta yirtiq paketdan zanglagan asbob oldi va qaramasdan ichkariga tashladi. “Temirdan. Hech narsa bo‘lmaydi” – deb ovuntirdi u, mening qarab turganimni ko‘rib.

Kir yuvish mashinasini ta’mirlash mutaxassisi sigaret chekib olib, mashinaning buzilgan joyini axtarishga tushdi:

- Hammada kir yuvish mashinasi mashinaga o‘xshaydi. Sizniki esa qandaydir boshqacha. Qopqog‘i yechilmayapti.

Bir soat unnab, oxiri usta agregatning ichigacha yetib bordi:

- Motorni tashlab yuborish kerak, boshqasini sotib olish zarur. Men uni olib ketaman, ertaga yangisini opkelaman. Pulini bering. Ishimga ham to‘lang, – dedi usta, kir qo‘llarini pardaga artayotib.

- Axir u ishlayaptiku. Kir yuvish mashinasining barabani ham aylanmoqda, - deb g‘udrandim men.

- Bunaqasi uchrab turadi. Men 40 yildan beri televizorlarni ta’mirlash bilan shug‘ullanaman, bahslashish kerak emas. 

Usta ishtaha bilan pulni sanadi, polga burnini qoqdi va tezda ko‘zdan yo‘qoldi. Men uni boshqa ko‘rmadim. Abonentning telefoni bugungi kungacha ham o‘chirilgan.

Kunlar o‘tdi. Yuvilmagan kirlar tog‘i xamirturush kabi o‘saverdi. Xotinim bo‘lsa kirni tog‘orada yuvib, menga yomon qarab qo‘yardi. Men nima qilishga hayron edim, navbatdagi ustani chaqirish istagi meni dahshatga tushirardi. O‘z mablag‘larimni moliyaviy tahlildan o‘tkazib, men shunga ishonch hosil qildimki, yangi kir yuvish mashinasiga yetmaydi.

«Nima balo, bug‘umisan, - deb kuldi do‘stim, men unga o‘zimning fojiaviy tariximni gapirganimda. – Shuni yodda tut, Ustabor.uz a kirasan – to‘g‘ri ustani topasan. Men bu portalda 2 yildan beri ustalarni topaman. Esingdami, uyni ta’mirlaganim? Mashinani tuzatganim-chi? Televizor buzilgani-chi? Barcha ustalar o‘sha yerdan kelgan».

Rostini aytsam, menga navbatdagi “mutaxassis”ni taklif etish yoqmasdi. Xotinim rozi qildi. Men kir yuvish mashinasi ishga tushmagunicha ustaga pul bermaslikka va uning detallarni olib ketishiga yo‘l qo‘ymaslikka ahd qilib, ustani axtarishga kirishdim.

Ustabor.uz qurilish va ta’mirlash ishlari sohasidagi ma’lumotlarni saqlaydi. Bu yerda avtomobil va texnikani ta’mirlovchi ustalar bor. Kir yuvish mashinalariga butun bir bo‘lim ajratilgan.

Mutaxassisni tanlash vaqtida u haqidagi ma’lumotlar bilan tanishish, uning suratiga qarash mumkin, umuman, usta haqida deyarli barcha zarur ma’lumotlarga ega bo‘lish mumkin. Yuragimda birinchi ishonch kurtaklari paydo bo‘la boshladi.


- Allo, xayrli kun. Mening kir yuvish mashinam buzilib qoldi. Yordam bera olasizmi? – mening usta bilan tanishishim shunday kechdi. Men uchragan omadsizlikni aniqlab va hatto ishning taxminiy bahosini belgilab, biz uchrashuv haqida kelishdik.

«Motoringiz soz ekan. Sizda dastur buzilgan, men uni hozir sozlayman. Biroq uni ishga tushirish dvigatelsiz amalga oshmaydi», - dedi usta mashinani yaxshilab tekshirib ko‘rganidan keyin. – Muammongiz bahosi – 150 ming so‘m. Qayta dasturlaymiz va shu bugunoq ishlatsa bo‘ladi».

Haqiqatan ham kechga borib kir yuvish mashinasi xuddi yangidek ishga tushdi. Hatto ovozi ham pasaydi, kir yuvish sifati ham yaxshilandi. Xarajatlar men o‘ylaganimdan ancha kam bo‘ldi. Oilamizda yana tinchlik va osoyishtalik hukm surmoqda. Rijikka ham yoqyapti. 

image.jpg

 - Agar usta faqat shu yerdan bo‘lsa, - dedim men o‘zimga, Ustabor.uz ni ochayotib.


- Assalomu alaykum. Menga rakovinani o‘zgartirish zarur.

- Nima bo‘ldi? 

- Unda singan joylar va yoriqlar mavjud. Unga zanglagan temirlarni tashlashgan…

 

 

Smartfoningizga bizning bepul ilovani yuklab oling!