Liftlar. Baland binoning kerakli qavatiga tez va ko‘p kuch sarflamasdan ko‘tarilishning bundan ham qulay usuli bormi? Yagona noqulaylik – bu kutishdir. O‘zingiz o‘ylang, chaqiruv tugmachasini bosib yana biroz kutishga to‘g‘ri keladi. Yo‘lakning oxiriga qo‘shimcha tugmacha o‘rnatish iztirobli kutish daqiqalaridan xalos etadi. Yo‘lovchi liftga uning eshiklari ochilganidan keyin yetib keladi.
Kafe va restoranlarning xodimlari ko‘pchilik xo‘randalarga barovariga xizmat ko‘rsatishadi, biroq ular ba’zan o‘z hamkasblari bilan gapga tushib ketib, mehmonlarni unutib qo‘yishlari ham mumkin. Agar muassasa xodimi sizga ko‘rinmayotgan yoki ataylab e’tibor bermayotgan bo‘lsa, nima qilish kerak? Maxsus pult ofitsiantni zarur vaqtda chaqirish imkonini beradi. Biz tekshirib ko‘rganmiz, mufassal ishlaydi.
Va yana restoran mavzusida. Biz hammamiz ahyon-ahyonda ofitsiantga choychaqa tashlab ketamiz. Hisobni to‘lagandan keyin qaytimi qolyaptimi? Juda zo‘r! Xodimni yaxshi xizmat ko‘rsatgani uchun mukofotlash mumkin. Mayda yo‘q bo‘lsa-chi, hamyoningizda faqat yirik pullar bor, biroq ofitsiantga minnatdorchilik bildirish sizga judayam yoqyapti? Va umuman, siz plastik kartochka yordamida to‘layapsiz. Ba’zi muassasalar bu muammoni choychaqa uchun maxsus mashinkalar o‘rnatib hal etishgan. Kartani kiritasiz – summa avtomatik ravishda hisobingizdan yechib olinadi.
Bu nima? Garnir ustiga sous quyib qo‘ydingizmi? Buzib qo‘ydingizku! Taomlar uchun ustida sous uchun maxsus idish bo‘lgan konteynerlar tufayli siz barchaning ko‘nglini olasiz. Qulay va judayam amaliy. Shunday emasmi?
Moda shaydolari bo‘lgan ayollarimiz kiyim kiyish xonasini xotinbozorga aylantirvorishlari hech gap emas. Taxminan 10 yoki 20 ta modellar kelsa bormi, tamom-vassalom. Biroq, bu to‘s-to‘polonda o‘zingizga mos kelgan kiyimlar bilan mos kelmaganlarini, qayta osgichlarga ilib qo‘yilishi kerak bo‘lganlarini, qanday qilib bir-biridan farqlash mumkin? Sotib olmoqchi bo‘lgan kiyimlaringizni tegishli ilmoqlarga iling. Oddiy va ayni vaqtda buyuk.
Ba’zan bizni supermarketlar kassalaridagi summa hayratga soladi. Tez-tez zarur summadagi pul yetishmasdan qoladi. Hamyonda ham, kartada ham. Nima qilish kerak? Ushbu supermarketdagi mahsulot aravachalari kalkulyator bilan jihozlangan. Oddiy hisob-kitob va siz kassada qancha pul to‘lashingizni aniq bilasiz.
Bola bilan aravachada sayr etishni qanday xilma-xil ko‘rinishga keltirish mumkin? Judayam oddiy! G‘ayrioddiy dizaynerlik yechimi o‘ziuchar va bolalar aravachasini birlashtirdi. Faollik va yangi hislar yetishmayotuvdimi? Oling, zavqlaning!
Parklardan birida suv ichish favvorasi bilan tajriba o‘tkazishdi. Ma’muriyat ixtirochilarga murojaat etdi, ular favvorani shunday loyihalashtirishdiki, endi undan odamlar ham, ularning to‘rt oyoqli do‘stlari ham suv ichishlari mumkin. Kuchugingizning chanqog‘ini plastik butilkadan qondirgan vaqtlarni endi unuting.
Paketli choylar – o‘z vaqtini tejovchilar va amaliy ishni yoqtiruvchilar uchun a’lo darajadagi yechimdir. Faqat bitta noqulaylik – siz chashkaga qaynagan suv quyayotganingizda ip yorlig‘i bilan choyga tushib ketishi mumkin. Bunday holatga bir necha bor duch kelgansiz, to‘g‘rimi? Ushbu chashkadagi maxsus teshik paketli choyni chashka ichida, yorliqni esa uning tashqarisida ushlab turish imkonini beradi. Ortiqcha muammolarsiz sevimli ichimligingizdan rohatlaning.
Yosh bolachalarning kran jo‘mragiga qo‘li yetishi qiyin. Foydalanishni bilishsa ham ishlatisholmaydi. Ushbu g‘ayrioddiy dizaynerlik topilma kran jo‘mragi dastasini uzaytiradi, novacha esa suvgacha yetish imkonini beradi. Konstruksiya oddiy jo‘mrakka osongina mahkamlanadi va osongina yechiladi.
Ishlatilgan chaynash saqichi ko‘p muammolar manba’idir. Ha, siz bilasizmi, ular qushlarning o‘limiga sababchi bo‘lishadi – qushlar saqichni odatda non bo‘lagi deb qabul qilishadi. Saqichni iloji boricha xavfsiz, ishonchli yo‘qotishga harakat qiling. Ushbu o‘ram qog‘oz salfetkalar bilan ta’minlangan, joningizga tekkan saqichni ularga o‘rashingiz mumkin.
Rozetkalar doimo yetishmaydi. Zamonaviy kishining hayotida elektr energiyasiga zarurat sezuvchi qurilmalar shunchalik ko‘pki, uzaytirgichlarni ishlatish fazoviy ko‘lam kasb etgan. Biroq... Bu tuganmas simlar oyoq ostida o‘ralashib kishining jig‘iga tegaveradi! Uzaytirgich rozetkada. Afsonami? Yo‘q, bizga qulaylik uchun navbatdagi dizaynerlik yechimi. Rozetka sizga zarur joyda mavjud. Xonaning har qanday nuqtasida.
Ushbu ixtiro qulaylik va tejamkorlikni birlashtiradi. Rakovina to‘g‘ridan to‘g‘ri unitazning suv tushirish bachogi ustida. Qo‘lingizni yuvasiz va suv ikkinchi marta unitazdan oqizishga ishlatiladi. Savolingizni oldindan fahmlab javob beramiz: - Yo‘q, tizim xalqalanmagan, suv unitazdan rakovinaga qaytib tushmaydi.
O‘tkir uchli poshnalar yumshoq tuproq va gazonlar uchun to‘g‘ri kelmaydi, buni biron marta noqulay ahvolga tushgan har bir ayol esida tutadi. O‘tkir uchli kabluklarga maxsus boshmoq bu muammoni bir pasda hal etadi. Kechki liboslar kiyib boriladigan shahar tashqarisidagi tadbirlar uchun ajoyib yechim. Ha, eslatib o‘tamiz, buyum shaffof materialdan yasalgan va poyafzalning tashqi ko‘rinishini buzmaydi.
Uzun zinapoyadan ko‘tarilishdan ham ortiq tinkani quritadigan narsa bormi? – Ha bor, faqat pastga tushish, deb javob berishadi ko‘pchilik va biroz nohaq bo‘lishadi. Bu zinapoyadan tushish – haqiqiy lazzatlanishdir, chunki uning chetlariga gorkalar o‘rnatilgan, ular sizni bir necha soniya ichida pastga eltib qo‘yishadi. Uchishga tavakkal qilib ko‘rasizmi?
Ishonamizki, biz tanlagan to‘plam sizga manzur bo‘ldi. Oldinda hali ko‘p qiziqarli materiallar kutmoqda, ular bilan sizni biz albatta tanishtiramiz.
